
帝洛巴大師教言集TILO28སྒྲུབ་ཐབས་ཡིད་བཞིན་ནོར་བུ་ཞེས་བྱ་བ་བཞུགས་སོ། །
1-12-1a

༄༅། །སྒྲུབ་ཐབས་ཡིད་བཞིན་ནོར་བུ་ཞེས་བྱ་བ་བཞུགས་སོ། །
༄༅། །བསྒྲུབ་(སྒྲུབ་)ཐབས་ཡིད་བཞིན་ནོར་བུ་ཞེས་བྱ་བ་བཞུགས་སོ། །
1-12-1b

༄༅། །རྒྱ་གར་སྐད་དུ། ཤྲི་(ཤྲཱི་)གྷུ་ཡ་རད་ན་(རཏྣ་)ཙིན་དྷ་མ་ནི་ན་མཿ བོད་སྐད་དུ། དཔལ་གསང་བ་རིན་པོ་ཆེ་ཡིད་བཞིན་ནོར་བུ་ཞེས་བྱ་བ། དཔལ་འཁོར་ལོ་བསྡོམ་(སྡོམ་)པ་ལ་ཕྱག་འཚལ་ལོ། །མཁའ་
མཉམ་སྤྲིན་དཔུང་འཇའ་ཚོན་འབྲུག་སྒྲ་སྒྲོགས་འཚངས་དང་། །ཉི་ཟླ་རིན་ཆེན་དྲ་བར་ཆར་རྒྱུན་ཀློག་རྒྱུ་བ། །རྒྱ་མཚོ་ལས་ནི་ཡིད་བཞིན་ནོར་བུ་འོ་མའི་མཚོ། །འཁོར་ལོ་བསྲུབ་(བསྲུབས་)དང་བསྲུབ་པའི་སྦྱོར་བས་གནས་འདིར་རྒྱལ། །
རྡོ་རྗེའི་སྐུ་ལ་ངེས་གནས་པའི། །དལ་འཁོར་ལོའི་མཆོག་གྱུར་པ། །ཐམས་ཅད་བདག་ཉིད་བརྟག་(རྟག་)ཏུ་བཞུགས། །རང་བྱུང་འདི་ནི་ཧེ་རུ་ཀའོ། །དང་པོ་རེ་ཤིག་སྐྱེ་བོས་བླ་མ་བརྒྱུད་པའི་རིམ་པ་ལས། དལ་དུ་དབང་དང་དམ་ཚིག་
པའི་རྣལ་འབྱོར་གྱིས་སེམས་ཅན་ཐམས་ཅད་མངོན་དུ་བྱས་ཏེ། བྱང་ཆུབ་ཀྱི་སེམས་ཚད་མེད་པ་བཞི་བསྒོམ་པར་བྱའོ། །ཧཱུཾ་ཡིག་ནག་པོ་ལས་འོད་ཟེར་གྱིས་ཚོགས་དཔག་ཏུ་མེད་པ་འཕྲོས་པས་རྡོ་རྗེའི་ཚོགས་སུ་གྱུར་པ་དང་།
དེ་དག་ལས་འོད་འཕྲོས་པས་ཁྲོ་བོའི་ཚོགས་དཔག་ཏུ་མེད་པར་གྱུར་ནས། ལུགས་དང་ལུགས་ལས་བཟློག་པའི་རིམ་པས་སྔགས་བརྗོད་པར་བྱ་སྟེ། ཨོཾ་ཧྲི། གྷ་གྷ། གྷ་ཏ་ཡ། གྷཱ་ཏ་ཡ། སརྦ་དུཥྚན་ཧཱུཾ་ཧཱུཾ་ཕཊ་སྭཱ་ཧཱ་ཞེས་
པས་སྔགས་བརྗོད་པར་བྱ། རྡོ་རྗེ་དང་མེ་འོད་འབར་བའི་ཚོགས་ཀྱིས་ཕྱོགས་ཐམས་ཅད་དུ་ཁྱབ་པར་གྱུར་པར་བལྟའོ། །དེ་ནས་རང་གི་ས་བོན་གྱིས་འོད་ཀྱིས། བླ་མ་དང་དལ་གྱི་འཁོར་ལོའི་ལྷ་ཚོགས། ནམ་མཁའ་ལ་
1-12-2a

བལྟས་པས་སྡིག་པ་བཤགས་པ་ལ་སོགས་པ་བྱས་ལ་བཟོད་པར་གསོལ་ཏེ། སྐད་ཅིག་ལས་མི་སྣང་བར་གྱུར་སྟེ(ཏེ)། ཕྱི་ནང་བདག་དང་བཅས་པས་ཐམས་ཅད་ངོ་བོ་ཉིད་ཀྱིས་སྟོང་པར་བལྟའོ། །
དེའི་རྗེས་ལ་རྟེན་དང་བརྟེན་པར་མཉམ་པར་རང་བཞིན་གྱིས་གྲུབ་པའི་དལ་འཁོར་དུར་ཁྲོད་དང་བཅས་པ་འབྱུང་བ་སྟེ། མཁའ་མཉམ་མཉམ་པ་ལས་བྱུང་ཞིང་། །ནམ་མཁའི་མཁའ་ལ་ལོངས་སྤྱོད་ཅིང་། །ཧེ་རུ་ཀ་དཔལ་དཀྱིལ་འཁོར་མཆོག །
བྷ་གའི་དབུས་སུ་བསྒོམ་པར་བྱ། །སྣ་ཚོགས་པདྨ་མི་བཤིགས་ཏེ། །གེ་གསར་(སར་)གསང་བའི་སྤྱོད་ཡུལ་ལས། །ཨ་ལི་ཀ་ལིའི་འབྱོར་ཧཱུཾ་དབུས་ཧཱུཾ། །འོད་ཟེར་འཕྲོས་པས་ཡོངས་སུ་གྱུར་པས། །ཧྲི་ཧེ་རུ་ཀ་ཁྲག་འཐུང་དཔལ། །
སྐད་ཅིག་གིས་ནི་སྐུ་རྫོགས་པ། །ཞལ་ཅིག་ཕྱག་གཉིས་སྤྱན་གསུམ་པ། །དུས་མཚན་དང་ནི་འཇིགས་བྱེད་དག །གཡས་བརྐྱང་ཞབས་ཀྱིས་མནན་མཛད་པ། །བེེ་དུ་(ཌཱུར་)ནམ་མཁའི་རང་བཞིན་ཅན། །རྡོ་རྗེ་དྲིལ་བུ་འཛིན་པ་མཆོག །
སྣ་ཚོགས་རྡོ་རྗེ་ཕྱག་རྒྱ་དྲུག །ཟླ་ཚེས་རྡོ་རྗེ་མགོ་འཕྲེང་དག་གིས་བརྒྱན། །སྒེག་སོགས་ཉམས་ཀྱི་རོ་ལྡན་པས། །སྟག་ལྤགས་དར་གྱིས་ཅོད་པན་ཅན། །ཡིད་བཞིན་ནོར་བུ་སྤྱི་བོར་འཛིན། །རྡོ་རྗེ་ཕག་མོ་སྐུ་ལ་འཁྲིལ། །
འཛབ་པ་སི་དྷུ་ར་མདོག་མཚུངས། །ཐོད་པ་རྡོ་རྗེ་བསྡིགས་འཛུབ་(སྡིགས་མཛུབ་)མནན། །གཅེར་བུ་བཅུ་དྲུག་ན་ཚོད་ལྡན། །རུས་པའི་འཁོར་ལོ་མགོ་ཕྲེང་དང་། །ཅོད་པན་དུམ་བུའི་བརྒྱན་(རྒྱན་)གྱིས་བརྒྱན། །སྐྲ་གྲོལ་བ་ནི་སྤྱན་གསུམ་པ། །
1-12-2b

བདེ་ཆེན་ཐུགས་རྗེའི་བདག་ཉིད་དོ། །ཆུ་སྐྱེས་ཤར་གྱིས་པད་འདབ་ལས་ཧེ་རུ་ཀ་ནི་སྐུ་མདོག་དཀར་མཁའ་འགྲོ་མ་དང་གཉིས་སུ་མེད། འཁོར་ལོ་དྲིལ་བུ་ལེགས་བསྣམས་པའོ། །ཧེ་རུ་ཀ་ནི་སྐུ་མདོག་ལྗང་། །ལ་མ་
དང་ནི་གཉིས་སུ་མེད། །བྱང་ཕྱོགས་པད་འདབ་ལ་གནས་པ། །རྒྱ་གྲམ་དྲིལ་བུ་བསྣམས་པའོ། །ནུབ་ཕྱོགས་པའི་(ཡི་)མདབ་(འདབ་)མ་ལ། །ཧེ་རུ་ཀ་དཔལ་ར་གའི་མདོག །དུང་བསྐྱེས་(སྐྱེས་)མ་དང་གཉིས་སུ་མེད། །པདྨ་དྲིལ་བུ་
འཛིན་པའོ། །ལྷོ་ཕྱོགས་པདྨའི་འདབ་སྟེངས་སུ་(སྟེང་དུ)། །ཧེ་རུ་ཀ་དཔལ་གསེར་མདོག་ཅན། །གཟུགས་ཅན་མ་ཡིས་སྐུ་ལ་མཁྱུད(འཁྱུད)། །རིན་ཆེན་པད་སྣོད་བསྣམས་པའོ། །དེ་དག་ཀུན་ཀྱང་ཞལ་གཅིག་པས། །ཕྱག་གཉིས་པ་དང་
སྤྱན་གསུམ་པ། །དར་གྱི་ཅོད་པན་ཅན། འཇིགས་བྱེད་དུས་མཚན་ཞབས་ཀྱིས་མནན་པ། ཕྱག་རྒྱ་དྲུག་གིས་སྤྲས་པ། བདེ་བ་ཆེན་པོའི་བདག་ཉིད་དོ། །འཚམས་(མཚམས་)ཀྱི་པད་འདབ་ལ་བྱང་ཆུབ་སེམས་ཀྱི་སྣོད་ཀ་བ་ལ་བདུད་
རྩིས་རབ་ཏུ་གང་བ་བཞིའོ། །རང་བྱིན་གྱིས་བརླབས་པའི་རིམ་པ་སྟེ། ལུས་ཀྱི་དལ་མཆོག་གྱུར་པས། །གནས་ཀྱི་རིམ་པ་རབ་སྦྱོར་ནས། །ལྷན་སྐྱེས་ཡེ་ཤེས་བདག་ཉིད་དོ། །སྡུགས་{སྦུབས་}ཁ་སུམ་མདོ་ལྟེ་སྙིང་ཁ། །
རླུང་མེ་ས་ཆུ་རིམ་པ་བཞིན། །རྒལ་(སྒལ་)ཚིགས་རི་རྒྱལ་ལྷུན་པོ་སྟེ། །ཆུ་ཤིང་མེ་ཏོག་ལྟ་བུ་ཡིས། །སྙིང་ཁའི་པདྨ་འདབ་བརྒྱད་ལ། །གེ་གསར་(སར་)ལྟེ་བར་བཅས་པ་སྟེ། །ཉི་ཟླ་ཐབས་དང་ཤེས་རབ་བཅས། །ལུགས་དང་ལུགས་
1-12-3a

མིན་ས་བོན་དབུལ། །བཅོམ་ལྡན་ཁྲག་འཐུང་ལྡན་པའོ། །ཞལ་བཞི་པ་ལ་ཕྱག་བཅུ་ཡིས། །གསུམ་གསུམ་སྤྱན་མངའ་འགྱུར་བའི་ཞལ། །ནམ་མཁའི་མདོག་མཚུངས་འོད་འཕྲོ་བ། །དུས་མཚན་
དམར་བ་གཡས་བརྐྱང་པས། །གཡོན་ཞབས་འཇིགས་བྱེད་ནག་པོ་མནན། །རྩ་བའི་ཞལ་ནི་སྐུ་དང་མཚུངས། །གཡས་ཞལ་གསེར་གྱིས་མདོག་དང་མཚུངས་ནི། །རྒྱབ་ནི་པདྨ་ར་གའི་མེ་ཏོག །ཨིནྡྲ་ནི་ལ་ཞལ་གཡོན་པའོ། །
རྡོ་རྗེ་དྲིལ་བུ་དང་པོ་སྟེ། །གཉིས་པས་གླང་ཆེན་ལྤགས་པ་བསྣམས། །ཌཱ་མ་རུ་དང་དགྲ་སྟ་དང་། །གྲི་གུག་མདུང་རྩེ་གསུམ་པ་དང་། །གཡས་པའི་ཕྱག་ན་བསྣམས་པའོ། །ཁ་ཊྭཾ་(ཊྭཱཾ་)ག་དང་ཐོད་ཁྲག་དང་། །རྡོ་རྗེ་ཞགས་པ་ཚངས་
མགོ་སྟེ། །གཡོན་གྱི་ཕྱག་ན་བསྣམས་པའོ། །སྒེག་སོགས་གར་ཉམས་ཀུན་དུ་(ཏུ་)བསྒྱུར། །སྟག་ལྤགས་ཤམ་ཐབས་མགོ་འཕྲེང་ཅན། །ཕྱག་རྒྱ་དྲུག་གིས་སྤྲས་པའི་སྐུ། །ཐོར་ཚུགས་དར་གྱིད་ཅོད་པན་ཅན། །ཟླ་ཕྱེད་སྣ་
ཚོགས་རྡོ་རྗེ་དང་། །ཡིད་བཞིན་ནོར་བུ་དབུ་ལ་མཇོག(འཇོག) །རུས་པའི་འཁོར་ལོ་སྤྱི་བོར་མཚོན། །ཡང་དག་མཁྱུད་(འཁྱུད་)པའི་ཕག་མོ་ཡང་། །བདེ་སྟེར་རང་བཞིན་སྐུ་མདོག་དམར། །ཞལ་གཅིག་ཕྱག་གཉིས་གཅེར་བུའི་ཚུལ། །
བྱིན་པ་གཉིས་ཀྱི་མཉམ་པར་མཁྱུད(འཁྱུད)། །རྡོ་རྗེ་ཐོད་པ་བསྣམས་པ་སྟེ། །སྡང་ཕྱོགས་ལ་བསྡིག་སྐྲ་གྲོལ་མ། །ཕྱག་རྒྱ་ལྔས་སྤྲས་ཡབ་ལ་དགེས། །བདེ་ཆེན་ཐུགས་རྗེའི་བདག་ཉིད་དོ། །ཤར་དང་བྱང་དང་ནུབ་དང་། ལྷོ་
1-12-3b

ཕྱོགས་ཀྱི་འདབ་མ་ལ། མཁའ་འགྲོ་མ་དང་ལ་མ་དང་། །དུང་སྐྱེས་མ་དང་གཟུགས་ཅན་མ། །འཐིང་(མཐིང་)ཁ་དང་ལྗང་ཁུ་དང་དམར་པོ་དང་། སེར་མོའི་གོ་རིམས་བཞིན་དུ། ཞལ་གཅིག་མ། ཕྱག་བཞི་མ། སྤྱན་གསུམ་
མ། གཡས་ཌཱ་མ་རུ་དང་གྲི་གུག །གཡོན་ཁ་ཊྭཾ་(ཊྭཱཾ་)ག་དང་ཐོད་པ་བསྣམས་པ། སྐྲ་གྲོལ་བ་གཅེར་བུ་དུམ་བུའི་སྐེ་རགས་ཀྱིས་བརྒྱན་པ་ཕྱག་རྒྱ་ལྔ་དང་ལྡན་པའོ། །དེ་དག་གི་འཚམས་(མཚམས་)རྣམས་སུ་བྱང་ཆུབ་སེམས་ཀྱིས་གང་བའི་
སྣོད་བཞིན་བདུད་རྩིའི་རང་བཞིན་ཅན་ནོ། །དེ་ནས་རབ་ཏུ་བཤད་པར་བྱ་བ། པུ་ཛ་ཨུ་ཨ་གྷོ་ར་དྷེ་མ། ཀ་ཨོ་ཏྲི་ཀོ་ཀ་ལི་ཀ་ཧི། པྲེ་གྷྲི་སཽ་ཀུ་ན་སི་མ་ཀུ། ཐུགས་ཀྱི་འཁོར་ལོ་མདོག་འཐིང་(མཐིང་)ནག །རྡོ་རྗེའི་ཕྲེང་བས་
ཡོངས་བསྐོར་བ། །པུ་ལི་ར་མ་ལ་གྷོ་མ། །ཐོད་པའི་དུམ་བུས་རབ་གཏུམ་མོ། །ཛ་ལན་དྷ་ར་སྤྱི་གཙུག་ཏུ། །ཀེང་རུས་ཆེན་པོ་གཏུམ་མིག་མ། །ཨུ་རྒྱན་རྣ་བ་གཡས་པར་ཡང་། །ཀེང་རུས་ཅན་དང་འོད་ལྡན་མ། །ཨར་
བུ་ཏ་ན་ལྟག་ཁུང་དུ། །མཆེ་རྩིགས་(གཙིགས་)སྣ་ཚོགས་པདྨ་ཡིས། །གྷོ་ད་བ་རྒྱ་རྣ་བ་གཡོན། །ལྷ་འདྲ་བ་ཡི་གློ་ཅན་མ། །ར་མི་(མེ་)ཤྭ་ར་སྨིན་མའི་དབུས། །འོད་དཔག་མེད་དང་མི་ཐུང་མ། །དྷི་བི་གྷོ་ཏི་མིག་ཏུ་ནི། །རྡོ་རྗེ་འོད་
དང་ལམ་དབང་ཕྱུག །འོད་དཔག་མེད་ནི་ཕྲག་པར་ཡང་། །རྡོ་རྗེ་སྐུ་དང་ཤིང་གྲིབ་ནི། །ཐུགས་ཀྱི་རིགས་ལ་ངེས་པར་འབྱུང་བ་འདི་དག་ནི་མཁའ་ལ་སྤྱོད་པའོ། །གསུང་གི་འཁོར་ལོ་དམར་པོའི་མདོག །པདྨའི་འཕྲེང་བས་
1-12-4a

ཡོངས་བསྐོར་བའི། །ཀ་མ་རུ་པ་མཆན་ཁུང་དུ། །མུ་གུ་ཅན་དང་ས་བསྲུངས་(སྲུང་)མ། །ཨེ་ལྟེར་ནུ་མ་རྡོ་རྗེ་ཡིས། །རལ་པ་ཅན་དང་འཇིགས་བྱེད་མ། །ཏྲི་ཤ་ཀུ་ནི་ལྟེ་བར་ནི། །དཔའ་ཆེན་རླུང་གི་ཤུགས་
ཅན་མ། །ཀོ་ས་ལ་ནི་སྣ་རྩེར་ཡང་། །རྡོ་རྗེ་ཧཱུཾ་མཛད་ཆང་མཐུང་(འཐུང་)མ། །ཀ་ལིང་ཀ་ཁད་རབ་བཟངས་དང་། །ལྷ་མོ་བསྔོ་(སྔོ་)བསངས་ལེགས་པའི(ཡི)། །ལམ་པ་ཀ་ནི་མགྲིན་པར་ཡང་། །རྡོ་རྗེ་བཟང་དང་རབ་བཟངས་མ། །ཀན་ཙིར་སྙིང་གར་
དཔའ་བོ་ནི། །འཇིགས་བྱེད་ཆེ་དང་རྟ་སྣ་མ། །ཧི་མ་ལ་ཡ་འདོམས་སུ་ནི། །མིག་མི་བཟང་དང་བྱ་གདོང་མ། །གསུང་གི་རིགས་ལས་ངེས་པར་འབྱུང་། །འདི་དག་ནི་ས་ལ་སྤྱོད་པའོ། །སྐུའི་འཁོར་ལོ་མདོག་དཀར་ཞིང་། །འཁོར་
ལོའི་ཕྲེང་བས་ཡོངས་བསྐོར་བ། །པྲེ་ཏ་པུ་རི་མཚན་མ་ལ། །སྟོབས་པོ་ཆེ་དང་འཁོར་ཤུགས་མ། །གྷྲི་ཧ་དཱེ་བ་བཤང་ལམ་དུ། །རིན་ཆེན་རྡོ་རྗེ་དུང་སྐྱེས་མ། །སོོའུ་ར་ཥ་བརླ་གཉིས་སུ། །རྟ་མགྲིན་ཆང་མཚོང་(འཚོང་)དཔའ་མོ་
ཡིས། །པུ་བར་ཏི་བ་བྱིན་བར་ཡང་། །ནམ་མཁའ་སྙིང་དང་གོ་ཆ་མ། །ན་ག་ར་ནི་ལག་སོར་མ། །ཧེ་རུ་ཀ་རབ་དཔའ་མོ་ལ། །སིན་དྷུར་རྐང་པའི་བོལ་དུ་ཡང་། །པདྨ་གར་དབང་སྟོབས་ཆེན་མོ། །མ་རོ་མཐེ་བོང་རྣམ་སྣང་དང་། །
དཔའ་མོ་འཁོར་ལོས་བསྒྱུར་བའོ། །ཀུ་ལོ་ཏ་ནི་དཔུས་(པུས་)མོར་ཡང་། །རྡོར་སེམས་བརྩོན་འགྲུས་ཆེན་མོའོ། །སྐུ་རིགས་ལས་བྱུང་འདི་དག་ནི། །སའི་(ཡི་)འོག་ལ་སྤྱོད་པའོ། །དཔའ་བོ་དེ་དག་ཐམས་ཅད་ནི། །ཞལ་གཅིག་པ་ལ་ཕྱག་
1-12-4b

བཞི་པ། །སྤྱན་གསུམ་པ། འཁོར་ལོ་སོ་སོའི་ཁ་དོག་དང་འཐུན་པ། གཡས་དང་པོ་ནི་རིམ་པ་བཞིན་དུ། རྡོ་རྗེ་དང་། པད་མ་དང་། འཁོར་ལོ་སྟེ། གཡོན་དང་པོ་དྲིལ་བུ་འཛིན་ཅིང་། ཡུམ་ལ་མཁྱུད་(འཁྱུད་)པའོ། །
འོག་མ་གཉིས་ཀྱི་ཌཱ་མ་རུ་དང་ཁ་ཊྭཾ་(ཊྭཱཾ་)ག་འཛིན་པ། ཕྱག་རྒྱ་ལྔས་བརྒྱན་ཅིང་ཅོད་པན་ཅན་ནོ། །དཔའ་མོ་རྣམས་ནི། ཞལ་ཅིག་ཕྱག་གཉིས་མ་ཕྱག་གི་ཡབ་ལ་མཁྱུད་(འཁྱུད་)པ། རྡོ་རྗེ་དང་ཐོད་པ་བསྣམས་པ་སྟེ། ཀུན་
གྱིས་དཔྲལ་བར་རྡོ་རྗེའི་ཕྲེང་བས་མཚན་པའོ། །ལྕེའི་ལྐོག་ཏུ་ཁྭ་གདོང་མའོ། །ལ་སྣའི་རྩེར་ནི་འུག་གདོང་མའོ། །མཚན་མའི་རྩེར་ནི་ཁྱི་གདོང་མའོ། །བཤང་བའི་ལམ་དུ་ཕག་གདོང་མའོ། །གཤིན་རྗེ་བརྟན་མ་
རྟ་རྣ་བ་གཡས། །གཡོན་པར་གཤིན་རྗེ་ཕོ་ཉ་མའོ། །མཆེ་བ་ཅན་ལ་མིག་གཡས་སྟེ(ཏེ)། །མིག་གཡོན་གཤིན་རྗེ་འཇོམས་མའོ། །ལྷ་མོ་དེ་དག་ཐམས་ཅད་ཀྱང་། །ཞལ་གཅིག་ཕྱག་གཉིས་སྤྱན་གསུམ་མ། །
གཅེར་བུ་ཕྱོགས་ན་གནས་པ་རྣམས། །མཁའ་འགྲོ་མ་དང་མཐུན་ནོ། །འཚམས་(མཚམས་)རྣམས་སུ་མི་ཕྱེད་དབང་ཕྱུག་གི་གཟུགས་ཅན་ཡིད་འཕྲོག་མ་ཆ་གཉིས་འཛིན་མ། ཕྱག་རྒྱ་ལྔ་དང་བུམ་པའི་སྐེ་རགས་ཀྱིས་རབ་ཏུ་བརྒྱན་
པའོ། །གནས་དང་ཉེ་བའི་གནས་དང་ནི། །ཞིང་དང་ཉེ་བའི་ཞིང་དང་ནི། །ཚན་དྷོ་ཉེ་བའི་ཚན་དྷོ་སྟེ། །འདུས་པ་ཉེ་བའི་འདུ་བ་དང་། །དུར་ཁྲོད་ཉེ་བའི་དུར་ཁྲོད་སྟེ(དེ)། །ས་བཅུ་རྣམ་པར་དག་པ་སྟེ། །སུམ་ཅུ་རྩ་བདུན་ཚུལ་གྱིས་
1-12-5a

ནི། །བྱང་ཆུབ་མཆོག་ལ་གནས་པ་དང་། །རྣམ་པར་མི་རྟོག་སེམས་བདག་ཉིད། །བདེ་སྟོང་རོ་ཅིག་གྱུར་པའོ། །ཕུང་པོ་ཁམས་དང་སྐྱེ་མཆེད་རྣམས། །ལྷའི་(ཡི་)རྣམ་པར་དག་པའོ། །དེ་ནས་གོ་
ཆ་གཉིས་བཤད་དེ། །གནས་ཀྱི་རིམས་པ་སྦྱོར་བའི་ས། །རྡོ་རྗེ་སེམས་དཔའ་རྣམ་སྣང་དང་། །ཉི་མ་པད་མ་གར་དབང་ཕྱུག །རྟ་མཆོག་ཧེ་རུ་ཀ་བདག་ཉིད། །སྔགས་ཀྱིས་རྣམ་པ་ལྷའི་གཟུགས། །རྡོ་རྗེ་ཕག་མོ་གཤིན་རྗེ་
མ། །རྨོངས་བྱེད་མ་དང་སྐྲག་བྱེད་མ། །བསྐྱོད་བྱེད་མ་དང་གཏུམ་མོ་སྟེ། །མཁས་པས་ལེགས་པར་དགོད་པར་བྱ། །རང་སྔགས་ལས་བྱུང་འོད་ཟེར་འཕྲོས། །སྔགས་དང་ཕྱག་རྒྱའི་སྦྱོར་བ་ཡིས། །སངས་རྒྱས་བྱང་སེམས་
དཔའི་ཚོགས། །ཕྱོགས་བཅུའི་ཆོས་ཀྱི་དབྱིངས་ལས་དགུག །ཨོཾ་ཡོ་ག་ཤུད་དྷོ་སརྦ་དྷརྨ་ཡོ་ག་ཤུད་དྷོ་ཧྭཾ། དེ་དག་གི་ཡེ་ཤེས་འཁོར་ལོ་དེ་དག་མཐོང་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་རུ་ལཾ། ཞེས་བརྗོད་པར་བྱའོ། །
སྤྱན་མ་ལ་སོགས་པ་རྣམས་ཀྱིས་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱིས་ཆར་འབེབས་ཤིང་། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་སཏྭ་ས་མ་ཡ་ཤྲི་ཡེ་ཧཱུཾ། དེ་དག་རྗེས་སུ་ཆགས་པའི་སྦྱོར་བ་ལས་བྱུང་བའི། །བྱང་སེམས་
རྒྱུན་གྱིས་དབང་བསྐུར་ཞིང་། །བདེ་བ་ཆེན་པོའི་ངོ་བོར་གྱུར་པའོ། །རྣལ་འབྱོར་ཀུན་གྱིས་སྦྱོར་བའི་ས། །རོ་ཅིག་གྱུར་པ་བསྒོམ་པར་བྱ། །སྐུ་གསུམ་སྐུ་ཡིས་ཡེ་ཤེས་ཆེ། །སྲོག་དང་བརྩོལ་(རྩོལ་)བ་ཡང་དག་སྤྲོ། །ཧཱུཾ་ཨ་
1-12-5b

ཨོཾ་བཾ་རིམ་པ་བཞིན་གསལ་བར་བྱས་ནས་སྤྲོ་བ་བསྡུ་བའི་བདག་ཉིད་དུ་གནས་པར་བྱ་སྟེ། ཨོཾ་ཤྲི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཕཊ། ཌཱ་ཀི་ནི་ཛྭ་ལ་སཾ་བྷ་ར་སྭཱཧཱ། ཨོཾ་ཧྲི་ཧ་ཧ་ཧཱུཾ་ཕཊ། ཨོཾ་སརྦ་བུད་དྷ་ཌཱ་ཀི་ནི་ཡེ་བཛྲ་
ཝརྞ་ནི་ཡེ་ཧཱུཾ་ཧཱུཾ་ཕཊ། ཨོཾ་བཛྲ་བཱཻ་རོ་ཙ་ན་ཡེ་ཧཱུཾ་ཧཱུཾ་ཕཊ་སྭཱཧཱ། ཨོཾ་ཤྲི་བུད་དྷ་ཧེ་ཧེ་རུ་རུ་ཀེཾ་ཧཱུཾ་ཧཱུཾ་ཕཊ། ཌཱ་ཀི་ནི་ཛྭ་ལ་སཾ་བྷ་ར་སྭཱཧཱ། ཨོཾ་ཤྲི་ཀརྨ་ཧེ་ཧེ་རུ་རུ་ཀེཾ་ཧཱུཾ་ཧཱུཾ་ཕཊ། ཌཱ་ཀི་ནི་ཛྭ་ལ་སཾ་བྷ་ར་སྭཱཧཱ། ཨོཾ་ཤྲི་པདྨ་
ཧེ་རུ་རུ་ཀེཾ་ཧཱུཾ་ཧཱུཾ་ཕཊ། ཌཱ་ཀི་ནི་ཛྭ་ལ་སཾ་བྷ་ར་སྭཱཧཱ། ཨོཾ་ཤྲི་རཏྣ་ཧེ་ཧེ་རུ་རུ་ཀེཾ་ཧཱུཾ་ཧཱུཾ་ཕཊ། ཌཱ་ཀི་ནི་ཛྭ་ལ་སཾ་བྷཱ་ར་སྭཱཧཱ། ཨོཾ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ། ཨོཾ་ལཱ་མེ་ཡེ་ཧཱུཾ་ཧཱུཾ་ཕཊ། ཨོཾ་ཁཥྚ་རོ་ཧེ་ཡེ་ཧཱུཾ་ཧཱུཾ་ཕཊ། ཨོཾ་ཏུ་པི་ནི་ཡེ་
ཧཱུཾ་ཧཱུཾ་ཕཊ། ཨོཾ་ན་མོ་བྷ་ག་ཝ་ཏེ་ཝི་རི་ཤ་ཡེ་ཧཱུཾ་ཧཱུཾ་ཕཊ། ཨོཾ་མཧཱ་ཀ་ལ་གྷྲིཧྣ་སཾ་བྷ་སཾ་ཧཱུཾ་ཧཱུཾ་ཕཊ། ཨོཾ་ཛ་ཊི་མ་ཀུ་ཊྭ་ཀོ་ཧ་ཡ་ཧཱུཾ་ཧཱུཾ་ཕཊ། ཨོཾ་དཾཥྚཾ་ཀ་ལོ་གྲི་བྷ་ཥ་ན་མུ་ཁ་ཡེ་ཧཱུཾ་ཧཱུཾ་ཕཊ། ཨོཾ་སཾ་བྷ་ཏྲ་པུ་ཛ་པུ་ར་ཡ་ཧཱུཾ་
ཧཱུཾ་ཕཊ། ཨོཾ་པ་ར་ཤུ་པཾ་ཤཾ་ཧྱཾ་ཏྲི་ཤུ་ལ་ཁ་ཊྭཾ(ཊྭཱཾ་)ཀ་དྷ་རི་ནི་ཧཱུཾ་ཧཱུཾ་ཕཊ། ཨོཾ་བཱ་གྷོ་ཛ་ན་མ་བྷ་ར་དྷ་ར་ཡ་ཧཱུཾ་ཧཱུཾ་ཕཊ། ཨོཾ་མཧཱ་དུ་སྨནྡྷ་ཀ་ར་ཨ་ཝ་པུ་ཤ་ཡ་ཧཱུཾ་ཧཱུཾ་ཕཊ་ཕཊ། བ་སྤུའི་བུ་གའི་རྩེ་མོ་ལས་འཕྲོས་པའི་ལོངས་
སྤྱོད་པའི་འཁོར་ལོ་དཔག་ཏུ་མེད་པས་འཇིག་རྟེན་གྱི་ཁམས་ཐམས་ཅད་སྣང་བར་བྱས། ཆོས་ཀྱི་འཁོར་ལོ་བསྐོར་བ་སྟེ། སླར་ཚུར་འདུས་པས་རོ་ཅིག་པ་ཟག་པ་མེད་པའི་ཡེ་ཤེས་སུ་ཐིམ་པའོ། །དཔའ་བོ་ཉི་ཤུ་རྩ་བཞི་
1-12-6a

ཡིས། །ལུས་ཀྱི་ཁམས་ལ་རྣམ་པར་བརྟག །འགྲོ་བ་རིགས་དྲུག་བསྒྲལ་ནས་ཀྱང་། །བླ་མེད་བྱང་ཆུབ་གནས་སུ་བཞག །སྐུ་གསུང་ཐུགས་ཀྱི་རང་བཞིན་ལས། །ཡི་གེ་གསུམ་གྱིས་བདག་
ཉིད་པས། །མཐོ་རིས་མི་ཡུལ་ས་འོག་ཏུ། །ལུས་ཅན་དེ་ནི་སྐུ་ཅིག་འགྱུར། །མཉམ་ཉིད་གནས་པའི་སེམས་ཀྱིས་ནི། །རྣལ་འབྱོར་དབང་ཕྱུག་ལྡང་བ་ནི། །མཁའ་འགྲོ་མ་ཡི་བདེ་བ་མཆོག །གླུས་བསྐུལ་བ་ནི་
དྲན་པར་བྱ། །ཐོག་མར་བླ་མ་མཆོད་པ་དང་། །རྡོ་རྗེ་སེམས་དཔའ་རང་བཞིན་ལས། །དབང་བསྐུར་རོལ་བའི་བདེ་ཆེན་པོ། །སྐད་ཅིག་གིས་ནི་ཀུན་ཁྱབ་བོ། །སྐུ་གསུང་ཐུགས་ལ་གནས་པར་བྱ། །མཉམ་པར་
མ་བཞག་རྣལ་འབྱོར་གྱིས། །སྙིང་རྗེ་ཆེན་པོའི་ཡིད་ཀྱིས་ནི། །ཁམས་གསུམ་པ་ཡིས་སེམས་ཅན་ཀུན། །ཤྲཱི་ཧེ་རུ་ཀར་བལྟའ་བྱ་ཞིང་། །བྱང་སེམས་ཆུ་རྒྱུན་ཁྲུས་བྱས་ཏེ། །བཅུ་ཕྱེད་བདུད་རྩིའི་ཟས་ལ་ཟ། །གཅེར་
བུ་སྐྲ་རོལ་ལྷོར་ལྟས་ལ། །བརྟུལ་ཤུགས་ཅན་གྱིས་གཏོར་མ་སྦྱིན། །གསང་བའི་རིམ་པ་བསྟན་པའོ། །སྤྲོས་བྲལ་ཀུན་ལ་དམིགས་ནས་ནི། །སྤྲོས་པས་སྤྲོས་པ་མེད་པར་བྱ། །སྤྲོས་པ་ཉིད་ནི་སྤྲོས་མེད་བྱེད། །སྤྲོས་
བྲལ་བདེ་བ་ཆེན་པོ་སྟེ། །བརྟན་དང་གཡོ་བའི་འཇིག་རྟེན་ཀུན། །མ་ལུས་ལུས་པ་མེད་གྲུབ་ཅིང་། །དེ་ཉིད་མྱུར་བ་ཉིད་དུ་ཡང་། །བདེ་མཆོག་དམ་པ་འགྲུབ་པ་ཡིན། །བཅོམ་ལྡན་སྐུ་གསུང་ཐུགས་ལ་བཞུགས། །
1-12-6b

ཨ་ལི་ཀ་ལི་མཉམ་གནས་པ། །འཁོར་ལོ་ལ་ནི་ངེས་པར་བསྐོར། །སྟེང་དུ་འཁོར་བའི་ཚུལ་གྱིས་ནི། །འོག་ཏུ་འབབ་པར་ངེས་པའི་ཕྱིར། །ཟག་མེད་དྲི་མེད་བདེ་བའི་དངོས། །འཆི་མེད་ཐིག་ལེའི་ངོ་བོ་ནི། །ས་བོན་
ཚུལ་གྱིས་འབར་བར་འགྱུར། །རྟག་ཏུ་སྙིང་གིས་དབུས་གནས་པས། །འོད་གསལ་བདེ་བ་ཆེན་པོ་ནི། །ཉི་མ་ཟླ་བ་རྣམ་དག་པ། །འཆར་དང་ནུབ་པ་བསྟན་པ་ཡིན། །སྡིག་པ་ཀུན་ལས་རྣམ་གྲོལ་ཞིང་། །བསོད་ནམས་
ཐམས་ཅད་རྣམ་པར་འཕེལ། །དེ་ཉིད་སངས་རྒྱས་ཡེ་ཤེས་ཏེ། །གཞན་དུ་རྙེད་པར་མི་འགྱུར་རོ། །ལུས་མེད་དྲི་མ་མེད་པ་སྟེ། །ལོངས་སྤྱོད་པ་ཡིས་སྐུ་རང་བཞིན། །ཡེ་ཤེས་སྐུ་ནི་དྲི་མ་མེད། །སྐྱེ་ཆེད་(མཆེད་)ཉིད་ལ་
ཐོབ་པར་འགྱུར། །ཐབས་དང་ཤེས་རབ་སྙོམས་འཇུག་ཅིང་། །གཉིས་པ་གཉིས་ནི་རྣམ་བྲལ་བའོ། །འདས་པ་ཡང་ནི་ད་ལྟར་ཡང་། །མ་འོངས་པ་ཡིས་དུས་གསུམ་མོ། །ལྷན་སྐྱེས་ཡེ་ཤེས་མཆོག་བདེ་
བ། །དྲི་མེད་མཁའ་ལྟར་དག་པའི་བདག །གསང་བ་སེམས་ཀྱི་སྤྱོད་ཡུལ་ལས། །ཟུང་དུ་འཇུག་པའི་ངོ་བོ་ནི། །མི་རྟོག་པ་ལ་རབ་གནས་ནས། །མཆོག་གི་སྐུ་ནི་ངེས་པར་ཐོབ། །བསྒོམ་པ་འདི་ནི་མཆོག་ཡིན་སྟེ། །
འདོད་པའི་དངོས་གྲུབ་བླ་ན་མེད། །རྣལ་འབྱོར་སྐྱེ་བ་འདི་ཉིད་ལ། །རྡོ་རྗེ་འཆང་གི་ས་ཐོབ་བོ། །རྣལ་འབྱོར་པ་རྣམས་འཕོ་བའི་ཚེ། །དཔལ་ལྡན་ཁྲག་འཐུང་ལ་སོགས་པ། །རྣལ་འབྱོར་མ་ཡི་ཚོགས་རྣམས་ཀྱིས། །
1-12-7a

མེ་ཏོག་སྣ་ཚོགས་ལག་ན་ཐོགས། །རྒྱལ་མཚན་བ་དན་སྣ་ཚོགས་དང་། །གླུ་ཡི་མཆོད་པ་སྣ་ཚོགས་ཀྱིས། །འཆི་བ་ཞེས་ནི་རྣམ་རྟོག་སྟེ། །མཁའ་སྤྱོད་གནས་སུ་ཁྲིད་པར་བྱེད། །དཔལ་
འཁོར་ལོ་བསྡོམ་(སྡོམ་)པ། བདེ་མཆོག་གསང་བ་རིན་པོ་ཆེ་ཡིད་བཞིན་ནོར་བུ་རིན་པོ་ཆེ། དཔལ་དབུ་རྒྱན་གྷན་དྷོ་ལའི་(གནྡྷོ་)གཙུག་ལག་ཁང་ནས། དྲི་མེད་ཡེ་ཤེས་མཁའ་འགྲོ་མས། རྗེ་བཙུན་ཏེ་ལོ་པ་ལ་
གདམས་པ། དཔལ་བདེ་མཆོག་འཁོར་ལོའི་བསྒྲུབ་(སྒྲུབ་)ཐབས། སྙན་ནས་སྙན་དུ་བརྒྱུད་པའི་རིམ་པ། དཔལ་ན་(ནཱ་)རོ་པས་མཛད་པ་རྫོགས་སོ།། །།
རྒྱ་གར་གྱི་པཎྜི་ཏ་ཤྲཱི་ན་(ནཱ་)རོ་པ་ཆེན་པོ་དང་། བོད་ཀྱི་ལོ་ཙྪ་བ་མར་པ་ཆོས་ཀྱི་བློ་གྲོས་བདག་གིས་ཞུས་ཏེ་བསྒྱུར་བའོ།། །།


目錄
སྒྲུབ་ཐབས་ཡིད་བཞིན་ནོར་བུ་ཞེས་བྱ་བ་བཞུགས་སོ། །